üsä puurekaländer

lieber ned ärnscht gno wärde
als vom ärnscht gno wärde...

än ächte puur ganz ohni trekker
isch öppä wia'n än laahme fekker...

lieber än buuch vom suufe
als än buggel vom chrampfe...

schnupfä ohni schpruch
isch wia schissä ohni gruch...

lieber am seckel umeschwitze
als i dä schwiiz go umesecklä...

bruuni nase, roti grend
schnopf' esch nüüd för chliini chend...

lieber äs huus im grüene
als än grüene im huus...

wänn s'chollers göi go pschittä,
dänn schtinkt's au i dä hittä

und wänn si göi go graase,
dänn flichtid reh ond haasä

doch wänn sie musig machä,
vergisst mer all diä sachä...

än geissbock wo ned ropft
esch wie'n än hirt, wo ned schnopft...

lieber öber nacht versumpfe
als im sumpf öbernachte...

dä schiri esch äs lumpepack
drom nämmer nochli schnopftubak...

lieber zue hei
als heizue...

lieber ständig zue
als zueschtändig...

⋀