alli vergangene'n'uuftritt:

d' "mariecholler" schpilt scho sit füfedriissg joohr balkan-musig, lang bevor dä balkan-sound dur d' film vom emir kusturica ond d' balkan-brass-bänds vom goran bregović ond äm boban marković bekannt worden esch; au bevor d' fanfare ciocărlia ond dä dj shantel im world-music-special vorgschtellt worde send.

i dä erschte paar joohr hemmer au no musig os anderne wält-gägende gschpilt, aber met zunämender riifi (ond riif simmer hüt bi gott) het's üüs musikalesch immer meh richtig balkan zoge. so schpiled ond singed mer höt vorwiegend traditionelli stück us mazedoniä, rumäniä, serbiä ond den andere schtaate im südoschte vo europa, wobii natürli dä iifluss vo dä roma-musiker ned z'onderschätze esch.

ond jetz: ...sàda za vȃs sjajna                                                       oder uf düütsch: ...bühni frei för d' "mariecholler"!